Art. 467 Relaziun tranter l’assegnader ed il retschavider da l’assegnaziun
1 Sche l’assegnaziun serva a pajar in debit da l’assegnader vers il retschavider da l’assegnaziun, s’extingua quest debit pir, sche l’assegn ha fatg il pajament.
2 Il retschavider che ha accept l’assegnaziun po dentant puspè far valair sia pretensiun vers l’assegnader mo, sch’el ha pretendì il pajament da l’assegn e sch’el n’ha betg survegnì quel suenter ch’il temp, ch’è vegnì fix en l’assegnaziun, è scadì.
3 Il creditur che na vul betg acceptar in’assegnaziun da ses debitur, ha da communitgar quai immediatamain a quel per evitar da stuair indemnisar eventuals donns.
Es besteht kein Anspruch auf Aktualität und Vollständigkeit/Richtigkeit.
