Art. 46 Lavurants Activitad da gudogn en servetsch da plirs patruns
1 Sch’in lavurant che stat en servetsch da plirs patruns e che ha in salari annual total da passa 21 510 francs (1) n’è betg assicur obligatoricamain, po el sa laschar assicurar facultativamain tar l’instituziun auxiliara ubain tar l’instituziun da provediment, a la quala in da ses patruns è affili , premess che las disposiziuns reglamentaras da questa instituziun prevesian quai. (2)
2 Sch’il lavurant è gia assicur obligatoricamain tar ina instituziun da provediment, po el far tar quella, uschenavant che sias disposiziuns reglamentaras n’excludan betg quai, u tar l’instituziun auxiliara in’assicuranza supplementara per il salari ch’el survegn dals auters patruns.
3 Al lavurant che paja directamain contribuziuns ad ina instituziun da provediment debitescha mintga patrun mintgamai la mesadad da las contribuziuns che tutgan al salari ch’el ha paj . L’autezza da la contribuziun dal patrun resulta d’ina attestaziun da l’instituziun da provediment.
4Sin dumonda dal lavurant surpiglia l’instituziun da provediment l’incasso tar ils patruns.
(1) Import tenor l’art. 5 da l’O dals 18 d’avr. 1984 davart il provediment professiunal per vegls, survivents ed invaliditad en la versiun da la midada dals 14 d’oct. 2020, en vigur dapi il 1. da schan. 2021 (AS 2020 4621).(2) Versiun tenor la cifra I da la LF dals 3 d’oct. 2003 (1. revisiun da la LPP), en vigur dapi il 1. da schan. 2005 (AS 2004 1677; BBl 2000 2637).
Es besteht kein Anspruch auf Aktualität und Vollständigkeit/Richtigkeit.
