CCS Art. 45a -

Einleitung zur Rechtsnorm CCS:

Art. 45a Ia. Sistem d’infurmaziun central da persunas ⁽¹⁾

¹ La Confederaziun maina e sviluppa in sistem d’infurmaziun central da persunas per l’administraziun dal register dal stadi civil.

² Ella surpiglia ils custs da gestiun e da svilup.

³ Ils chantuns pajan a la Confederaziun ina taxa annuala per duvrar il sistem per intents dals fatgs dal stadi civil.

⁴ La Confederaziun includa ils chantuns en il svilup dal sistem. Ella als porscha sustegn professiunal per duvrar il sistem.

⁵ En cooperaziun cun ils chantuns regla il Cussegl federal:

1. ils detagls da l’inclusiun dals chantuns en il svilup dal sistem;

2. l’autezza da la taxa dals chantuns per duvrar il sistem;

3. ils dretgs d’access da las autoritads dal stadi civil e dals ulteriurs posts che han in dretg d’access;

4. la collavuraziun operaziunala tranter la Confederaziun ed ils chantuns;

5. las mesiras tecnicas ed organisatoricas ch’èn necessarias per garantir la protecziun e la segirezza da las datas;

6. l’archivaziun da las datas.

⁶ La Confederaziun po prevair ch’ils custs da prestaziuns per terzas persunas ordaifer ils fatgs dal stadi civil vegnian mess a quint a questas terzas persunas.

⁽¹⁾ Integr tras la cifra I da la LF dals 5 d’oct. 2001 (administraziun electronica dal register dal stadi civil) (AS 2004 2911; BBl 2001 1639). Versiun tenor la cifra I 1 da la LF dals 15 da dec. 2017, en vigur dapi il 1. da schan. 2019 (AS 2018 4017; BBl 2014 3551).

Es besteht kein Anspruch auf Aktualität und Vollständigkeit/Richtigkeit.