Art. 454 Quart chapitel: Responsabladad
1 Tgi che vegn viol en il rom da las mesiras uffizialas da la protecziun da creschids tras in’acziun u tras in’omissiun illegala, ha il dretg da survegnir ina indemnisaziun ed – en cas che la grevezza da la violaziun giustifitgescha quai – ina bunificaziun.
2 Il medem dretg exista, sche l’autoritad per la protecziun da creschids u l’autoritad da surveglianza è sa cumportada en moda illegala en ils auters secturs da la protecziun da creschids.
3 Star bun sto il chantun; cunter la persuna che ha chaschun il donn na po la persuna donnegiada betg far valair in dretg d’indemnisaziun.
4 Per il regress dal chantun sin quella persuna che ha chaschun il donn è decisiv il dretg chantunal.
Es besteht kein Anspruch auf Aktualität und Vollständigkeit/Richtigkeit.
