Ar V. Protecziun da datas e communicaziun da datas t. 43a (1)
1 En il sectur da la documentaziun publica dal stadi civil procura il Cussegl federal per la protecziun da la persunalitad e dals dretgs fundamentals da quellas persunas, da las qualas vegnan elavuradas las datas.
2 El regla la communicaziun da las datas a persunas privatas che pon cumprovar in interess direct ch’è degn da vegnir protegì.
3 El numna las autoritads ordaifer il sectur dal stadi civil, a las qualas vegnan communitgadas regularmain u sin dumonda las datas ch’èn necessarias per ademplir lur incumbensas legalas. Resalvadas restan las prescripziuns davart la communicaziun tenor ina lescha chantunala.
3bis Las autoritads dal stadi civil èn obligadas da denunziar a l’autoritad cumpetenta tut ils malfatgs ch’ellas constateschan tar lur activitad uffiziala. (2)
4 A las datas ch’èn necessarias per controllar l’identitad d’ina persuna han – en la procedura d’invista – access:1. las autoritads emettentas tenor la Lescha federala dals 22 da zercladur 2001 (3) davart ils documents d’identitad dals burgais svizzers;2. (4) il post federal ch’è cumpetent per l’administraziun dal sistem informatis da retschertga da la polizia tenor l’artitgel 15 da la Lescha federala dals 13 da zercladur 2008 (5) davart ils sistems d’infurmaziun da polizia federala ed ils posts da filtrar dals corps chantunals e municipals da polizia ch’èn affiliads al sistem da retschertga;3. il post federal ch’è cumpetent per l’administraziun dal register penal informatis tenor l’artitgel 359 (6) dal Cudesch penal svizzer;4. il post federal (7) ch’è cumpetent per far retschertgas da persunas sparidas;5. (8) il Servetsch d’infurmaziun da la Confederaziun per scuvrir a temp e per impedir smanatschas per la segirezza interna u externa tenor l’artitgel 6 alinea 1 litera a da la Lescha federala dals 25 da settember 2015 (9) davart il servetsch d’infurmaziun;6. (10) las autoritads ch’èn cumpetentas per administrar ils registers chantunals e communals d’abitants tenor la Lescha dals 23 da zercladur 2006 (11) davart l’armonisaziun dals registers;7. (10) il post federal ch’è cumpetent per administrar il register central da las persunas assicuradas tenor l’artitgel 71 alinea 4 litera a da la Lescha federala dals 20 da december 1946 (13) davart l’assicuranza per vegls e survivents;8. (10) il posts federals ch’èn cumpetents per administrar il register dals Svizzers a l’exteriur tenor l’artitgel 4 alinea 1 da la Lescha federala dals 24 da mars 2000 (15) davart l’elavuraziun da datas persunalas en il Departament federal d’affars exteriurs.
(1) Integr tras la cifra I da la LF dals 5 d’oct. 2001 (administraziun electronica dal register dal stadi civil), en vigur dapi il 1. da fan. 2004 ([AS 2004 2911]; [BBl 2001 1639]).
(2) Integr tras la cifra I 3 da la LF dals 15 da zer. 2012 davart mesiras cunter maridaglias sfurzadas, en vigur dapi il 1. da fan. 2013 (AS 2013 1035; [BBl 2011 2185]).
(3) [SR 143.1]
(4) Versiun tenor la cifra 4 da l’agiunta 1 da la LF dals 13 da zer. 2008 davart ils sistems d’infurmaziun da polizia da la Confederaziun, en vigur dapi ils 5 da dec. 2008 ([AS 2008 4989]; [BBl 2006 5061]).
(5) [SR 361]
(6) Ussa: art. 365.
(7) Actualmain l’Uffizi federal da polizia.
(8) Integr tras la cifra II 4 da l’agiunta da la LF dals 25 da sett. 2015 davart il servetsch d’infurmaziun, en vigur dapi il 1. da sett. 2017 ([AS 2017 4095]; [BBl 2014 2105]).
(9) [SR 121]
(10) (12)
(11) [SR 431.02]
(12) (14)
(13) [SR 831.10]
(14) Integr tras la cifra I 1 da la LF dals 15 da dec. 2017 (documentaziun publica dal stadi civil e register funsil), en vigur dapi il 1. da schan. 2019 ([AS 2018 4017]; [BBl 2014 3551]).
(15) [SR 235.2]
Es besteht kein Anspruch auf Aktualität und Vollständigkeit/Richtigkeit.
