Art. 382 Tractativa e votaziun
1 A tractativas ed a votaziuns ston cooperar tut ils commembers da la dretgira da cumpromiss.
2 Sch’in commember refusescha da sa participar ad ina tractativa u ad ina votaziun, pon ils ulteriurs commembers tractar e decider senza el, nun che las partidas hajan fix insatge auter.
3 La dretgira da cumpromiss pronunzia la sentenzia da cumpromiss cun la maioritad da las vuschs da ses commembers, nun che las partidas hajan fix insatge auter.
4 Sch’i na resulta betg ina maioritad da las vuschs, pronunzia il president la sentenzia da cumpromiss.
Es besteht kein Anspruch auf Aktualität und Vollständigkeit/Richtigkeit.
