CPS Art. 349g -

Einleitung zur Rechtsnorm CPS:

Art. 349g g. Controlla da la legitimitad da l’elavuraziun da datas ⁽¹⁾

¹ La persuna pertutgada po pretender dal IFPDT ch’el controllia, sche las eventualas datas che la concernan vegnian elavuradas da maniera legitima, en cas che:

a. ses dretg da vegnir infurmada davart il barat da datas che la concernan vegn restrenschì u suspendì (art. 19 e 20 LPD ⁽²⁾ );

b. ses dretg da survegnir infurmaziuns vegn refus , restrenschì u suspendì (art. 25 e 26 LPD); u

c. ses dretg da pretender la rectificaziun, la destrucziun u la stizzada da datas che la concernan vegn refus per part u dal tuttafatg (art. 41 al. 2 lit. a LPD). ⁽³⁾

² A la controlla po vegnir suttamessa mo in’autoritad federala che suttastat a la surveglianza dal IFPDT.

³ Il IFPDT fa la controlla; a la persuna pertutgada communitgescha el, che naginas datas che la concernan na vegnian elavuradas da maniera illegitima, ubain – sch’el ha constat sbagls tar l’elavuraziun da las datas da persunas – ch’el haja avert ina inquisiziun tenor l’artitgel 49 LPD. ⁽³⁾

⁴ Sch’il IFPDT constatescha sbagls tar l’elavuraziun da datas, ordinescha el che l’autoritad federala cumpetenta elimineschia quels.

⁵ La communicaziun tenor l’alinea 3 è adina la medema e na vegn betg motivada. Ella na po betg vegnir contestada.

⁽¹⁾ Integr tras la cifra II 2 da la LF dals 28 da sett. 2018 davart la realisaziun da la directiva (UE) 2016/680 concernent la protecziun da persunas natiralas en connex cun l’elavuraziun da datas persunalas per la prevenziun, l’investigaziun, la scuvrida u la persecuziun da malfatgs u per l’execuziun penala, en vigur dapi il 1. da mars 2019 (AS 2019 625; BBl 2017 6941).
⁽²⁾ SR 235.1
⁽³⁾ ⁽⁴⁾
⁽⁴⁾ Versiun tenor la cifra II 26 da l’agiunta 1 da la LF dals 25 da sett. 2020 davart la protecziun da datas, en vigur dapi il 1. da sett. 2023 (AS 2022 491; BBl 2017 6941).

Es besteht kein Anspruch auf Aktualität und Vollständigkeit/Richtigkeit.