CPS Art. 264c -

Einleitung zur Rechtsnorm CPS:

Art. 264c 2. Grevas violaziuns da las Convenziuns da Genevra

¹ Cun in chasti da detenziun betg sut 5 onns vegn chasti , tgi che commetta – en connex cun in conflict internaziunal arm – ina greva violaziun da las Convenziuns da Genevra dals 12 d’avust 1949 ⁽¹⁾ cun in dals suandants acts cunter persunas u cunter bains ch’èn protegids tenor questas convenziuns:

a. mazzament intenziun ;

b. rapiment d’ostagis;

c. chaschunar grondas suffrientschas u donnegiar grevamain il corp u la sanadad fisica u psichica, en spezial tras tortura, tras in tractament inuman u tras experiments biologics;

d. destrucziun u appropriaziun enorma da bains che n’è betg giustifitgada tras necessitads militaras;

e. constricziun da prestar servetsch en las forzas armadas d’ina pussanza inimia;

f. deportaziun, transferiment u detenziun illegala;

g. refusa dal dretg d’ina procedura giudiziala ordinaria imparziala avant che pronunziar u exequir in grev chasti.

² Acts tenor l’alinea 1 che vegnan commess en connex cun in conflict arm betg internaziunal han il medem status sco las grevas violaziuns dal dretg internaziunal umanitar, sch’els èn drizzads cunter ina persuna ch’è protegida tenor il dretg internaziunal umanitar u cunter in bain protegì.

³ En cas spezialmain grevs, cunzunt, sch’il malfatg pertutga blers umans u sch’il delinquent agescha en moda crudaivla, po la dretgira pronunziar in chasti da detenziun per vita duranta.

⁴ En cas main grevs tenor l’alinea 1 literas c–g po la dretgira pronunziar in chasti da detenziun betg sut 1 onn.

⁽¹⁾ Convenziun da Genevra dals 12 d’avust 1949 per meglierar la sort dals blessads e malsauns da las forzas armadas en champagna (CG I), SR 0.518.12; Convenziun da Genevra dals 12 d’avust 1949 per meglierar la sort dals blessads, malsauns e naufragiads da las forzas armadas sin la mar (CG II), SR 0.518.23; Convenziun da Genevra dals 12 d’avust 1949 davart il tractament dals praschuniers da guerra (CG III), SR 0.518.42; Convenziun da Genevra dals 12 d’avust 1949 davart la protecziun da persunas civilas en temps da guerra (CG IV), SR 0.518.51.

Es besteht kein Anspruch auf Aktualität und Vollständigkeit/Richtigkeit.