Art. 243 Procedura simplifitgada Champ d’applicaziun
1 La procedura simplifitgada vala per dispitas dal dretg patrimonial fin ad ina valur en dispita da 30 000 francs.
2 Ella vala senza resguardar la valur en dispita en cas da dispitas: (1) a. tenor la Lescha d’egualitad dals 24 da mars 1995 (2) ;b. (1) pervia da violenza, smanatschas u persecuziuns tenor l’artitgel 28b CCS (4) u concernent la surveglianza electronica tenor l’artitgel 28c CCS;c. che resultan tras la locaziun e tras la fittanza da locals d’abitar e da fatschenta sco er tras la fittanza agricula, uschenavant ch’i èn pertutgads il deposit da tschains da locaziun e da fittanza, la protecziun cunter tschains da locaziun e da fittanza abusivs, la protecziun cunter la disditga u la prolungaziun da la relaziun da locaziun u da fittanza;d. per far valair il dretg d’infurmaziun tenor la Lescha federala dals 19 da zercladur 1992 (5) davart la protecziun da datas;e. tenor la Lescha da participaziun dals 17 da december 1993 (6) ;f. che resultan tras assicuranzas supplementaras a l’assicuranza da malsaunas sociala tenor la Lescha federala dals 18 da mars 1994 (7) davart l’assicuranza da malsauns.
3 Ella na vegn betg applitgada per dispitas davant l’unica instanza chantunala tenor ils artitgels 5 ed 8 e davant la dretgira commerziala tenor l’artitgel 6.
(1) (3)
(2) [SR 151.1]
(3) Versiun tenor la cifra I 2 da la LF dals 14 da dec. 2018 davart la meglieraziun da la protecziun da victimas da violenza, en vigur dapi il 1. da fan. 2020 ([AS 2019 2273]; [BBl 2017 7307]).
(4) [SR 210]
(5) [SR 235.1]
(6) [SR 822.14]
(7) [SR 832.10]
Es besteht kein Anspruch auf Aktualität und Vollständigkeit/Richtigkeit.
