Art. 1a Las persunas assicuradas (1) Persunas assicuradas obligatoricamain (2)
1 Assicurads tenor questa lescha èn: (3) a. (3) las persunas natiralas che han lur domicil en Svizra;b. las persunas natiralas che han in’activitad da gudogn en Svizra;c. (5) burgais svizzers che lavuran a l’exteriur:1. en servetsch da la Confederaziun svizra,2. en servetsch da las organisaziuns internaziunalas, cun las qualas il Cussegl federal ha fatg ina convenziun da sedia e che valan sco patruns en il senn da l’artitgel 12,3. en servetsch d’organisaziuns d’agid privatas subvenziunadas en moda relevanta da la Confederaziun svizra tenor l’artitgel 11 da la Lescha federala dals 19 da mars 1976 (6) davart la cooperaziun da svilup e l’agid umanitar sin plaun internaziunal.
1bis Il Cussegl federal regla ils detagls da l’alinea 1 litera c. (7)
2 Betg assicuradas n’èn:a. (3) persunas estras che giaudan privilegis ed immunitads tenor las reglas dal dretg internaziunal;b. persunas che fan part d’ina assicuranza per vegls e survivents d’in stadi ester, sche l’integraziun en l’assicuranza fiss per ellas ina chargia dubla betg supportabla;c. (9) persunas cun activitad da gudogn independenta sco er lavurants da patruns che n’èn betg obligads da pajar contribuziuns, che adempleschan las premissas ch’èn menziunadas en l’alinea 1 mo per in temp relativamain curt; il Cussegl federal regla ils detagls.
3 Cuntinuar cun l’assicuranza pon:a. persunas che lavuran a l’exteriur per in patrun cun sedia en Svizra e che vegnan salarisadas da quel, sch’il patrun dat ses consentiment;b. students senza activitad da gudogn che bandunan lur domicil en Svizra per far ina scolaziun a l’exteriur, fin ils 31 da december da l’onn ch’els cumpleneschan 30 onns. (10)
4 Sa participar a l’assicuranza pon:a. persunas cun domicil en Svizra che n’èn betg assicuradas pervia d’ina cunvegna internaziunala;b. (11) emploiads svizzers d’ina instituziun privilegiada tenor l’artitgel 2 alinea 1 da la Lescha davart il stadi ospitant dals 22 da zercladur 2007 (12) che giaudan privilegis, immunitads e facilitaziuns, nun ch’els sajan assicurads obligatoricamain en Svizra sin basa d’ina cunvegna cun questa instituziun;c. conjugals senza activitad da gudogn domiciliads a l’exteriur da persunas cun activitad da gudogn ch’èn assicuradas tenor l’alinea 1 litera c, alinea 3 litera a u pervia d’ina cunvegna internaziunala. (13)
5 Il Cussegl federal determinescha en detagl las cundiziuns per la cuntinuaziun da l’assicuranza tenor l’alinea 3 e per la participaziun tenor l’alinea 4; plinavant fixescha el ils detagls areguard la retratga ed areguard l’exclusiun. (7)
(1) Oriundamain art. 1.
(2) Tenor la cifra I da la LF dals 7 d’oct. 1994 (10. revisiun da la AVS), en vigur dapi il 1. da schan. 1997 ([AS 1996 2466]; [BBl 1990 II 1]), èn tut las marginalas vegnidas transfurmadas en titels.
(3) (4)
(4) (8)
(5) Versiun tenor la cifra I da la LF dals 23 da zer. 2000, en vigur dapi il 1. da schan. 2001 ([AS 2000 2677]; [BBl 1999 4983]).
(6) [SR 974.0]
(7) (14)
(8) Versiun tenor la cifra I da la LF dals 7 d’oct. 1994 (10. revisiun da la AVS), en vigur dapi il 1. da schan. 1997 ([AS 1996 2466]; [BBl 1990 II 1]).
(9) Versiun tenor la cifra I da la LF dals 17 da zer. 2011 (meglieraziun da la realisaziun), en vigur dapi il 1. da schan. 2012 ([AS 2011 4745]; [BBl 2011 543]).
(10) Integr tras la cifra I da la LF dals 7 d’oct. 1994 (10. revisiun da la AVS) ([AS 1996 2466]; [BBl 1990 II 1]). Versiun tenor la cifra I da la LF dals 23 da zer. 2000, en vigur dapi il 1. da schan. 2001 ([AS 2000 2677]; [BBl 1999 4983]).
(11) Versiun tenor la cifra II 10 da l’agiunta da la Lescha davart il stadi ospitant dals 22 da zer. 2007, en vigur dapi il 1. da schan. 2008 ([AS 2007 6637]; [BBl 2006 8017]).
(12) [SR 192.12]
(13) Versiun tenor la cifra I da l’O da l’AF dals 21 da zer. 2002, en vigur dapi il 1. da schan. 2003 ([AS 2002 3453]; [BBl 2002 803]).
(14) Integr tras la cifra I da la LF dals 23 da zer. 2000, en vigur dapi il 1. da schan. 2001 ([AS 2000 2677]; [BBl 1999 4983]).
Es besteht kein Anspruch auf Aktualität und Vollständigkeit/Richtigkeit.
