Art. 187 Furniziun da l’expertisa
1 La dretgira po ordinar che l’expertisa vegnia furnida a bucca u en scrit. Ultra da quai po ella ordinar che l’expert explitgeschia en la tractativa sia expertisa redigida en scrit.
2 In’expertisa a bucca sto vegnir protocollada analogamain a l’artitgel 176.
3 Sche plirs experts èn vegnids incumbensads, furnescha mintgin dad els in’expertisa, nun che la dretgira disponia insatge auter.
4 La dretgira dat la chaschun a las partidas da laschar explitgar l’expertisa u da tschentar dumondas cumplementaras.
Es besteht kein Anspruch auf Aktualität und Vollständigkeit/Richtigkeit.
