Art. 16 Uffizi federal per l’egualitad tranter dunna ed um
1 L’Uffizi federal per l’egualitad tranter dunna ed um promova l’egualitad da las schlattainas en tut ils secturs da la vita e s’engascha per eliminar tut las furmas da discriminaziun directa u indirecta.
2 Per quest intent ademplescha el numnadamain las suandantas incumbensas:a. el infurmescha la publicitad;b. el cusseglia autoritads e persunas privatas;c. el fa retschertgas e recumonda mesiras adattadas ad autoritads ed a persunas privatas;d. el po sa participar a projects d’impurtanza per l’entira Svizra;e. el cooperescha a l’elavuraziun da decrets da la Confederaziun, uschenavant che quels èn impurtants per l’egualitad;f. el examinescha las dumondas per agids finanzials tenor ils artitgels 14 e 15 e surveglia la realisaziun da programs da promoziun.
Es besteht kein Anspruch auf Aktualität und Vollständigkeit/Richtigkeit.
