LAVS Art. 153d - Mesiras tecnicas ed organisatoricas

Einleitung zur Rechtsnorm LAVS:

Art. 153d ⁽¹⁾ Mesiras tecnicas ed organisatoricas

Las autoritads, organisaziuns e persunas ch’èn autorisadas da duvrar sistematicamain il numer da la AVS dastgan duvrar quest numer mo, sch’ellas han prendì las suandantas mesiras tecnicas ed organisatoricas:

a. limitar l’access a las bancas da datas che cuntegnan il numer da la AVS, a las persunas che dovran il numer da la AVS per ademplir lur incumbensas, e restrenscher correspundentamain ils dretgs da leger e da scriver en las bancas da datas electronicas;

b. designar ina persuna ch’è responsabla per il diever sistematic dal numer da la AVS;

c. procurar che las persunas cun dretg d’access vegnian instruidas – en il rom da scolaziuns e da furmaziuns supplementaras – davart il fatg ch’il numer da la AVS dastga vegnir duvr mo per ademplir lur incumbensas e communitg mo confurm a las prescripziuns legalas;

d. prender mesiras che correspundan a la situaziun da ristga ed al stadi da la tecnica per garantir la segirezza da las infurmaziuns e la protecziun da datas; en spezial procurar che las unitads da datas, che cuntegnan il numer da la AVS e che vegnan transmessas sur ina rait publica, vegnian codadas confurm al stadi da la tecnica;

e. fixar, co ch’igl è da proceder en cas d’in access abusiv a las bancas da datas u en cas d’in diever abusiv da talas.

⁽¹⁾ Guardar er disp. fin. da la midada dals 18 da dec. 2020 a la fin da quest text.

Es besteht kein Anspruch auf Aktualität und Vollständigkeit/Richtigkeit.