Art. 153c Parts autorisadas
1 Mo las suandantas autoritads, organisaziuns e persunas èn autorisadas da duvrar sistematicamain il numer da la AVS:a. uschenavant ch’el vegn duvr per ademplir lur incumbensas legalas:1. ils departaments federals e la Chanzlia federala,2. las unitads decentralisadas da l’administraziun federala,3. las unitads da las administraziuns chantunalas e communalas,4. las organisaziuns e las persunas da dretg public u privat che n’appartegnan betg a las administraziuns tenor las cifras 1–3 e che adempleschan incumbensas administrativas sin basa dal dretg federal, chantunal u communal u sin basa d’in contract, uschenavant ch’il dretg applitgabel prevesa il diever sistematic dal numer da la AVS,5. las instituziuns da furmaziun;b. las interpresas d’assicuranza privatas en ils cas tenor l’artitgel 47a da la Lescha dals 2 d’avrigl 1908 (1) davart il contract d’assicuranza;c. ils organs che han l’incumbensa da far las controllas previsas en in contract collectiv da lavur cun vigur lianta.
2 Ellas na dastgan betg duvrar sistematicamain il numer da la AVS en il secturs, nua ch’il dretg applitgabel excluda quai expressivamain.
(1) [SR 221.229.1]
Es besteht kein Anspruch auf Aktualität und Vollständigkeit/Richtigkeit.
