DO Art. 1153 -

Einleitung zur Rechtsnorm DO:

Art. 1153

Ils titels da martganzia che vegnan emess d’in possessur d’in magasin u d’in transportader da rauba sco vaglias ston cuntegnair:

1. il lieu ed il di da l’emissiun e la suttascripziun da l’emittent;

2. il num ed il lieu da domicil da l’emittent;

3. il num ed il lieu da domicil dal depositari e dal speditur;

4. la designaziun da la rauba magasinada u spedida, cun l’indicaziun da sia qualitad, da sia quantitad e da segns che permettan da l’identifitgar;

5. las taxas ed ils salaris che ston vegnir pajads u ch’èn vegnids pajads ordavant;

6. las cunvegnas spezialas ch’èn vegnidas fatgas dals participads pertutgant il tractament da la rauba;

7. il dumber dals exemplars dal titel da martganzia;

8. il num da quel che ha il dretg da disponer da la rauba u la remartga ch’il titel da martganzia saja emess a l’ordra u al possessur.

Es besteht kein Anspruch auf Aktualität und Vollständigkeit/Richtigkeit.