Art. 111g (1) Surveglianza da l’elavuraziun da datas en il rom da la collavuraziun da Schengen
1 Las autoritads chantunalas per la protecziun da datas ed il IFPDT collavuran en il rom da lur cumpetenzas respectivas.
2 Il IFPDT surveglia l’elavuraziun da datas persunalas en il rom da la collavuraziun da Schengen. El coordinescha l’activitad da surveglianza cun las autoritads chantunalas per la protecziun da datas.
3 Per ademplir sias incumbensas collavura el cun l’Incumbens europeic per la protecziun da datas; per tal è el l’autoritad naziunala da surveglianza.
(1) Versiun tenor la cifra 1 da l’agiunta 1 dal COF dals 18 da dec. 2020 davart l’approvaziun e la realisaziun dals barats da notas tranter la Svizra e la UE concernent la surpigliada da las basas giuridicas davart l’instituziun, il manaschi e l’utilisaziun dal sistem d’infurmaziun da Schengen (SIS), en vigur dapi ils 22 da nov. 2022 (AS 2021 365; 2022 636; BBl 2020 3465).Es besteht kein Anspruch auf Aktualität und Vollständigkeit/Richtigkeit.
