Art. 1084 Lieu, nua che acts che concernan la cambiala vegnan exequids
1 La preschentaziun per l’acceptaziun u per il pajament, la protesta, la dumonda per la consegna d’in duplicat da la cambiala sco er tut ils ulteriurs acts ch’èn d’exequir tar ina tscherta persuna ston vegnir fatgs en il local da fatschenta da questa persuna u, per mancanza d’in tal local, en sia abitaziun.
2 Il local da fatschenta u l’abitaziun sto vegnir eruì minuziusamain.
3 Sch’ina retschertga tar l’autoritad da polizia u tar l’uffizi postal dal lieu n’ha dentant gì nagin success, na dovri betg ulteriuras retschertgas.
Es besteht kein Anspruch auf Aktualität und Vollständigkeit/Richtigkeit.
