Art. 1040 Copia dal document da protesta
1 Il funcziunari da documentaziun u l’uffizi che fa la protesta ha da far ina copia dal document da la protesta.
2 Sin questa copia ston vegnir inditgads:1. l’import da la cambiala;2. la scadenza;3. il lieu e la data da l’emissiun da la cambiala;4. l’emittent da la cambiala, il trass sco er il num da la persuna u da la firma, a la quala u a l’ordra da la quala il pajament sto vegnir fatg;5. il num da la persuna u da la firma che ha da far il pajament, sch’ella n’è betg identica cun il trass ;6. ils pajaders en cas d’urgenza ed ils acceptaders per intervenziun.
3 Ils funcziunaris da documentaziun u ils uffizis che fan la protesta han da tegnair en salv las copias dals documents da protesta en in urden cronologic.
Es besteht kein Anspruch auf Aktualität und Vollständigkeit/Richtigkeit.
