LEI Art. 103f - Disposiziuns executivas tar il EES

Einleitung zur Rechtsnorm LEI:

Art. 103f ⁽¹⁾ Disposiziuns executivas tar il EES

Il Cussegl federal regla:

a. per tge unitads da las autoritads tenor l’artitgel 103c alineas 1 e 2 che las cumpetenzas numnadas en quellas disposiziuns valan;

b. la procedura per che las autoritads tenor l’artitgel 103c alinea 4 survegnian datas dal EES;

c. il catalog da las datas en il EES ed ils dretgs d’access da las autoritads tenor l’artitgel 103c alineas 1 e 2;

d. la conservaziun e la stizzada da las datas;

e. las modalitads areguard la segirezza da las datas;

f. la collavuraziun cun ils chantuns;

g. la responsabladad per l’elavuraziun da las datas;

h. il catalog dals malfatgs tenor l’artitgel 103c alinea 4;

i. la procedura per barattar infurmaziuns tenor l’artitgel 103e;

j. tge autoritads che pon acceder a la glista che vegn generada tras il mecanissem d’infurmaziun e che cuntegna las persunas che han surpass la durada maximala da la dimora admissibla en il territori da Schengen.

⁽¹⁾ Integr tras l’agiunta dal COF dals 21 da zer. 2019 (surpigliada da las basas giuridicas per installar e per utilisar il sistem d’entrada e da sortida [EES], ordinaziuns [UE] 2017/2226 e 2017/2225), en vigur dapi il 1. da matg 2022 (AS 2021 732; BBl 2019 175).

Es besteht kein Anspruch auf Aktualität und Vollständigkeit/Richtigkeit.