Art. 1031 Pajament en valuta estra
1 Sche la cambiala è emessa en in valuta che na vala betg al lieu da pajament, po la summa da la cambiala vegnir pajada en la valuta dal pajais tenor sia valur ch’ella ha il di da scadenza. Sch’il debitur retardescha il pajament, po il possessur decider, sche la summa da la cambiala duai vegnir convertida en la valuta dal pajais tenor il curs dal di da scadenza u tenor quel dal di da pajament.
2 La valur da la valuta estra vegn fixada tenor l’isanza commerziala dal lieu da pajament. L’emittent po dentant fixar en la cambiala che la summa che sto vegnir pajada vegnia calculada tenor il curs inditg en la cambiala.
3 Las prescripziuns dals emprims dus alineas na vegnan betg applitgadas, sche l’emittent ha fix il pajament en ina tscherta valuta inditgada (remartga da pajament effectiv en ina valuta estra).
4 Sche la summa è inditgada en ina spezia da daners che ha la medema denominaziun en il pajais d’emissiun, però in’autra valur ch’en il pajais da pajament, vegni supponì che l’indicaziun sa refereschia al daner dal lieu da pajament.
Es besteht kein Anspruch auf Aktualität und Vollständigkeit/Richtigkeit.
