DO Art. 1006 -

Einleitung zur Rechtsnorm DO:

Art. 1006 Legitimaziun dal possessur

¹ Tgi che ha en maun la cambiala, vala sco possessur legal, uschenavant ch’el cumprova ses dretg cun ina retscha nuninterrutta d’indossaments, e quai er alura, sche l’ultim indossament è in indossament en blanco. Indossaments stritgads ora valan en quest cas sco betg scrits. Sch’in ulteriur indossament suonda in indossament en blanco, vegni supponì che quel che ha sutsegn quest indossament haja acquist la cambiala tras l’indossament en blanco.

² Sch’in anteriur possessur ha pers la cambiala en ina maniera u l’autra, è il nov possessur che cumprova ses dretg tenor las prescripziuns da l’alinea precedent mo oblig da restituir la cambiala, sch’el ha acquist quella da mala fai u sch’el ha commess ina gronda negligientscha a chaschun da l’acquist da tala.