Art. 973d Dretgs da valur inscrits I. Constituziun (1)
1 In dretg da valur inscrit è in dretg che ha las suandantas caracteristicas sin basa d’ina cunvegna tranter las partidas: 1. el è inscrit en in register da dretgs da valur tenor l’alinea 2; e 2. el po vegnir fatg valair e transferì sin autras persunas mo sur quest register da dretgs da valur.
2 Il register da dretgs da valur sto ademplir las suandantas pretensiuns:1. cun agid da proceduras tecnicas dat el als crediturs, dentant betg al debitur, la cumpetenza da disponer da lur dretgs;2. sia integritad è protegida grazia a mesiras tecnicas ed organisatoricas adequatas che al preservan da midadas nunautorisadas, sco l’administraziun cuminaivla tras pliras parts participadas ch’èn independentas ina da l’autra;3. il cuntegn dals dretgs, la moda da funcziun dal register e la cunvegna d’inscripziun figureschan en il register u en datas accumpagnantas agiuntadas;4. ils crediturs pon prender invista da las infurmaziuns e da las inscripziuns en il register che pertutgan lur persuna sco er verifitgar l’integritad dal cuntegn dal register che pertutga lur persuna, senza l’intervenziun da terzas persunas.
3 Il debitur sto procurar ch’il register da dretgs da valur saja organis tenor ses intent. En spezial sto el procurar ch’il register funcziunia da tut temp tenor la cunvegna d’inscripziun.
(1) Integr tras la cifra I 1 da la LF dals 25 da sett. 2020 davart l’adattaziun dal dretg federal als svilups da la tecnologia dals registers electronics distribuids, en vigur dapi il 1. da favr. 2021 ([AS 2021 33]; [BBl 2020 233]).
Es besteht kein Anspruch auf Aktualität und Vollständigkeit/Richtigkeit.
