Art. 964f Furma e cuntegn dal rapport
1 Il rapport davart ils pajaments a posts statals cumpiglia mo pajaments che resultan da l’activitad commerziala en l’industria ch’explotescha minerals, petroli u gas natiral u en il sectur dal tagl da laina en guauds primars.
2 El cumpiglia tut ils pajaments d’almain 100 000 francs per onn da gestiun a posts statals, e quai tant pajaments singuls sco er pajaments parzials en transchas che cuntanschan ensemen almain 100 000 francs.
3 Vegnir inditg sto l’import dals pajaments ch’èn vegnids prestads – tut en tut sco er classifitg tenor tip da prestaziun – a mintga post statal ed a mintga project.
4 Il rapport sto vegnir redigì en scrit en ina lingua naziunala u en englais e sto vegnir approv da l’organ directiv u administrativ suprem.
Es besteht kein Anspruch auf Aktualität und Vollständigkeit/Richtigkeit.
