DO Art. 963a -

Einleitung zur Rechtsnorm DO:

Art. 963a Liberaziun da l’obligaziun da far il quint

¹ Ina persuna giuridica è deliberada da l’obligaziun da far in quint dal concern, sch’ella:

1. na surpassa betg – ensemen cun las interpresas controlladas – duas da las suandantas grondezzas entaifer 2 onns consecutivs:

a. summa da bilantscha da 20 milliuns francs,

b. retgav da la svieuta da 40 milliuns francs,

c. 250 plazzas a temp cumplain en la media annuala;

2. vegn controllada d’ina interpresa, da la quala il quint dal concern è vegnì fatg e controll en moda ordinaria tenor prescripziuns svizras u tenor prescripziuns estras equivalentas; u

3. ha deleg l’obligaziun da far in quint dal concern ad ina interpresa controllada tenor l’artitgel 963 alinea 4.

² In quint dal concern sto tuttina vegnir fatg, sche:

1. quai è necessari per giuditgar en moda uschè fidabla sco pussaivel la situaziun economica;

2. ⁽¹⁾ quai vegn pretendì da societaris che represchentan almain 20 pertschient dal chapital da basa, u da 10 pertschient dals associads u da 20 pertschient dals commembers da l’uniun;

3. quai vegn pretendì d’in societari u d’in commember da l’uniun ch’è suttamess ad ina responsabladad persunala u ad in’obligaziun da far pajaments supplementars; u

4. quai vegn pretendì da l’autoritad da surveglianza da la fundaziun.

³ Sch’il rendaquint na vegn betg preschent en francs, vegnan las valurs tenor l’alinea 1 cifra 1 fixadas sco suonda: per la summa da bilantscha sin basa dal curs da stgomi dal di da referenza da la bilantscha e per il retgav da la svieuta sin basa da la media annuala dal curs. ⁽¹⁾

⁽¹⁾ ⁽²⁾
⁽²⁾ Versiun tenor la cifra I da la LF dals 19 da zer. 2020 (dretg d’aczias), en vigur dapi il 1. da schan. 2023 (AS 2020 4005; 2022 109; BBl 2017 399).

Es besteht kein Anspruch auf Aktualität und Vollständigkeit/Richtigkeit.