Art. 962a Standards da rendaquint renconuschids
1 Sch’ina clusiun vegn fatga tenor in standard da rendaquint renconuschì, sto quest standard vegnir inditg en la clusiun.
2 Il standard renconuschì tschernì sto vegnir applitg en moda integrala e per l’entira clusiun.
3 In expert da revisiun admess sto controllar ch’il standard renconuschì vegnia observ . La clusiun sto vegnir suttamessa ad ina revisiun ordinaria.
4 La clusiun tenor in standard renconuschì sto vegnir preschentada a l’organ suprem a chaschun da l’approvaziun dal quint annual, na sto dentant betg vegnir approvada.
5 Il Cussegl federal designescha ils standards renconuschids. El po fixar las premissas che ston esser ademplidas per tscherner in standard u per midar d’in standard ad in auter.
Es besteht kein Anspruch auf Aktualität und Vollständigkeit/Richtigkeit.
