Art. 959b Quint economic; structura minimala
1 Il quint economic preschenta la situaziun dal retgav da l’interpresa durant l’onn da gestiun. El po vegnir stabilì sco quint economic da producziun u sco quint economic da vendita.
2 En il quint economic da producziun (procedura dals custs totals) ston vegnir preschentadas mintgamai separadamain almain las suandantas posiziuns, e quai en la suandanta successiun:1. retgavs nets da furniziuns e da prestaziuns;2. midadas da la provisiun da products finids e betg finids sco er da servetschs betg facturads;3. custs da material;4. custs da persunal;5. ulteriurs custs da manaschi;6. amortisaziuns e rectificaziuns da valurs sin posiziuns da la facultad d’investiziun;7. custs e retgavs finanzials;8. custs e retgavs d’ordaifer il manaschi;9. custs e retgavs extraordinaris, unics u d’autras periodas;10. taglias directas;11. gudogn annual u perdita annuala.
3 En il quint economic da vendita (procedura dals custs da la svieuta) ston vegnir preschentadas mintgamai separadamain almain las suandantas posiziuns, e quai en la suandanta successiun:1. retgavs nets da furniziuns e da prestaziuns;2. custs d’acquisiziun u da producziun dals products vendids u da las prestaziuns vendidas;3. custs d’administraziun e da distribuziun;4. custs e retgavs finanzials;5. custs e retgavs d’ordaifer il manaschi;6. custs e retgavs extraordinaris, unics u d’autras periodas;7. taglias directas;8. gudogn annual u perdita annuala.
4 En l’agiunta dal quint economic da vendita ston plinavant vegnir preschentads ils custs da persunal sco er – en ina posiziun – las amortisaziuns e las rectificaziuns da valurs sin posiziuns da la facultad d’investiziun.
5 Ulteriuras posiziuns ston vegnir preschentadas separadamain en il quint economic, sche quai è impurtant per che terzas persunas possian giuditgar la situaziun dal retgav u sche quai è usit en il sectur d’activitad da l’interpresa.
Es besteht kein Anspruch auf Aktualität und Vollständigkeit/Richtigkeit.
