Art. 959a Structura minimala
1 Tar las activas ston vegnir preschentadas separadamain – tut tenor lur grad da liquiditad – almain las suandantas posiziuns, e quai en la suandanta successiun:1. facultad en circulaziun:a. meds liquids sco er activas quotadas a la bursa e tegnidas a curta vista,b. pretensiuns da furniziuns e da prestaziuns,c. autras pretensiuns a curta vista,d. provisiuns e servetschs betg facturads,e. cudeschaziuns transitoricas activas;2. facultad d’investiziun:a. investiziuns finanzialas,b. participaziuns,c. investiziuns materialas,d. investiziuns immaterialas,e. chapital da basa, chapital da la societad u chapital da la fundaziun betg paj .
2 Tar las passivas ston vegnir preschentadas separadamain – tut tenor la data ch’ellas èn da pajar – almain las suandantas posiziuns, e quai en la suandanta successiun:1. chapital ester a curta vista:a. debits da furniziuns e da prestaziuns,b. debits tschainsibels a curta vista,c. auters debits a curta vista,d. cudeschaziuns transitoricas passivas;2. chapital ester a lunga vista:a. debits tschainsibels a lunga vista,b. auters debits a lunga vista,c. retenziuns sco er posiziuns sumegliantas previsas da la lescha;3. agen chapital:a. chapital da basa, chapital da la societad u chapital da la fundaziun, eventualmain zavr tenor categorias da participaziun,b. reserva legala dal chapital,c. reserva legala dal gudogn,d. (1) reservas facultativas dal gudogn,e. (1) atgnas quotas dal chapital sco posts negativs,f. (3) il transport dal gudogn u da la perdita sco post negativ,g. (3) il gudogn annual u la perdita annuala sco post negativ.
3 Ulteriuras posiziuns ston vegnir preschentadas separadamain en la bilantscha u en l’agiunta, sche quai è impurtant per che terzas persunas possian giuditgar la situaziun da la facultad u da la finanziaziun u sche quai è usit en il sectur d’activitad da l’interpresa.
4 Pretensiuns e debits envers persunas participadas directamain u indirectamain, envers organs ed envers interpresas, vi da las qualas l’interpresa è participada directamain u indirectamain, ston mintgamai vegnir preschentads separadamain en la bilantscha u en l’agiunta.
(1) (2)
(2) Versiun tenor la cifra I da la LF dals 19 da zer. 2020 (dretg d’aczias), en vigur dapi il 1. da schan. 2023 ([AS 2020 4005]; [2022 109]; [BBl 2017 399]).
(3) (4)
(4) Integr tras la cifra I da la LF dals 19 da zer. 2020 (dretg d’aczias), en vigur dapi il 1. da schan. 2023 ([AS 2020 4005]; [2022 109]; [BBl 2017 399]).
Es besteht kein Anspruch auf Aktualität und Vollständigkeit/Richtigkeit.
