Art. 9 -

Einleitung zur Rechtsnorm :

Art. 9 Persunas medicinalas

¹ Persunas medicinalas en il senn da la legislaziun davart ils products terapeutics ⁽¹⁾ che pratitgeschan lur activitad sco activitad economica privata en atgna responsabladad professiunala tenor la Lescha dals 23 da zercladur 2006 ⁽²⁾ davart las professiuns medicalas u che pratitgeschan lur activitad en atgna responsabladad professiunala en il servetsch da chantuns u da vischnancas e che possedan in’autorisaziun chantunala correspundenta sco er ils manaders responsabels d’apotecas publicas u d’apotecas d’ospital pon retrair, depositar, utilisar e consegnar narcotics senza permissiuns; exceptadas èn permissiuns excepziunalas tenor l’artitgel 8. Las disposiziuns chantunalas davart la dispensaziun directa tras ils medis, tras ils dentists sco er tras ils veterinaris restan resalvadas. ⁽³⁾

² La cumpetenza tenor l’alinea 1 vala er per persunas medicinalas sco er per students da professiuns medicinalas universitaras che substitueschan – cun la permissiun da l’autoritad chantunala cumpetenta – ina persuna medicinala d’ina professiun medicinala universitara. ⁽⁴⁾

^2a … ⁽⁵⁾

³ … ⁽⁶⁾

⁴ Ils chantuns pon restrenscher la cumpetenza dals dentists sin tscherts narcotics.

⁵ En enclegientscha cun Swissmedic reglan ils chantuns las cundiziuns ch’èn decisivas per las chasas da cura estras en Svizra.