Art. 9 Avertiment, alarm ed infurmaziun en cas d’eveniments
1 Il UFPP è cumpetent per ils suandants sistems:a. sistems per avertir las autoritads da privels smanatschants;b. sistems per alarmar la populaziun en cas d’eveniments;c. sistems per infurmar la populaziun en cas da privels smanatschants ed en cas d’eveniments.
2 El maina in sistem per alarmar la populaziun.
3 El maina ulteriurs sistems per derasar infurmaziuns ed instrucziuns da cumportament.
4 La Confederaziun maina in radio per cas d’urgenza.
5 La Confederaziun procura ch’ils sistems tenor l’alinea 1 literas b e c sco er tenor ils alineas 2–4 sajan accessibels er per persunas cun impediments.
6 Il Cussegl federal po delegar cumpetenzas legislativas al UFPP per reglar:a. la derasaziun d’infurmaziuns e d’instrucziuns da cumportament;b. ils aspects tecnics dals sistems per avertir las autoritads sco er per alarmar e per infurmar la populaziun ed ils aspects tecnics dal radio per cas d’urgenza.
Es besteht kein Anspruch auf Aktualität und Vollständigkeit/Richtigkeit.
