Art. 88 Disposiziuns penalas Cuntravenziuns cunter questa lescha
1 Cun in chasti pecuniar vegn chasti , tgi che fa sapientivamain il suandant:
a. na dat – sco persuna obligada da far servetsch da protecziun civila – betg suatientscha ad ina convocaziun, banduna il servetsch senza permissiun, na returna betg pli suenter in’absenza permessa, surpassa in congedi u sa sustira en autra moda dal servetsch da protecziun civila;b. disturba ils servetschs d’instrucziun u las intervenziuns da la protecziun civila u impedescha persunas che fan servetsch da protecziun civila;c. incitescha publicamain da refusar servetschs da protecziun civila u mesiras ordinadas da las autoritads.2 Tgi che agescha per negligientscha en ils cas tenor l’alinea 1, vegn chasti cun ina multa.
3 Cun ina multa vegn chasti , tgi che fa sapientivamain il suandant:
a. sco persuna obligada da far servetsch da protecziun civila:1. refusa da surpigliar ina incumbensa u ina funcziun attribuida en il sectur da la protecziun civila,2. n’observa betg las ordinaziuns da servetsch,3. dovra l’equipament persunal ordaifer ils servetschs da protecziun civila,4. cuntrafa a las obligaziuns d’annunzia ch’èn regladas sin basa da l’artitgel 44 alinea 4;b. n’observa betg las ordinaziuns d’alarm e las instrucziuns da cumportament;c. fa abus dal segn distinctiv internaziunal da la protecziun civila u dal document d’identitad per il persunal da la protecziun civila.4 Tgi che agescha per negligientscha en ils cas tenor l’alinea 3 litera a cifras 2–4 sco er literas b e c, vegn chasti cun ina multa fin 5000 francs.
5 Sche la culpa e las consequenzas dal malfatg èn pitschnas, po l’autoritad cumpetenta desister d’ina denunzia penala; ella po admonir la persuna pertutgada.
6 Resalvadas restan la persecuziun penala e las pretensiuns civilas tenor autras leschas.
Es besteht kein Anspruch auf Aktualität und Vollständigkeit/Richtigkeit.
