LPP Art. 86a - Communicaziun da las datas

Einleitung zur Rechtsnorm LPP:

Art. 86a ⁽¹⁾ Communicaziun da las datas

¹ Sche nagins interess privats predominants n’impedeschan quai, dastgan vegnir communitgadas datas en il cas singul e sin ina dumonda en scrit e motivada:

a. a las autoritads d’agid social, sch’ellas èn necessarias per determinar, midar u pretender enavos prestaziuns respectivamain per impedir retratgas betg giustifitgadas;

a^bis. ⁽²⁾ al post spezialis design dal dretg chantunal (art. 40), sch’ellas èn necessarias per incassar pajaments da mantegniment betg pajads u per segirar pajaments da mantegniment futurs;

b. a las dretgiras civilas, sch’ellas èn necessarias per giuditgar ina dispita da dretg da famiglia u d’ierta;

c. a las dretgiras penalas ed autoritads d’inquisiziun penala, sch’ellas èn necessarias per sclerir in crim u in delict;

d. als uffizis da scussiun, tenor ils artitgels 91, 163 e 222 da la Lescha federala dals 11 d’avrigl 1889 ⁽³⁾ davart la scussiun ed il concurs;

e. a las autoritads da taglia, sch’ellas sa refereschan al pajament da prestaziuns dal provediment professiunal e sch’ellas èn necessarias per applitgar las leschas da taglia;

f. ⁽⁴⁾ a las las autoritads per la protecziun d’uffants e da creschids tenor l’artitgel 448 alinea 4 CCS ⁽⁵⁾ ;

g. ⁽⁶⁾ ...

² Sche nagins interess privats predominants n’impedeschan quai, dastgan vegnir communitgadas datas:

a. ad auters organs ch’èn incumbensads da realisar sco er da controllar u da survegliar la realisaziun da questa lescha, sch’ellas èn necessarias per ademplir las incumbensas surdadas ad els tras questa lescha;

b. ad organs d’ina autra assicuranza sociala, sch’ina obligaziun da render enconuschentas questas datas resulta tras ina lescha federala;

b^bis. ⁽⁷⁾ ad organs d’ina autra assicuranza sociala per attribuir u per verifitgar il numer da la AVS;

c. a las autoritads cumpetentas per la taglia a la funtauna, tenor ils artitgels 88 e 100 da la Lescha federala dals 14 da december 1990 ⁽⁸⁾ davart la taglia federala directa sco er tenor las disposiziuns chantunalas respectivas;

d. als organs da la statistica federala, tenor la Lescha da statistica dals 9 d’october 1992 ⁽⁹⁾ ;

e. a las autoritads d’inquisiziun penala, sche la denunzia u l’impediment d’in crim pretenda quai;

f. ⁽¹⁰⁾ a l’uffizi da la AI per la registraziun tempriva tenor l’artitgel 3b LAI ⁽¹¹⁾ u en il rom da la collavuraziun interinstituziunala tenor l’artitgel 68^bis LAI ed a las instituziuns d’assicuranza privatas tenor l’artitgel 68^bis alinea 1 litera b LAI;

g. ⁽¹²⁾ al Servetsch d’infurmaziun da la Confederaziun (SIC) u als organs da segirezza dals chantuns per mauns dal SIC, sch’igl è avant maun ina smanatscha concreta per la segirezza interna u externa tenor l’artitgel 19 alinea 2 da la Lescha federala dals 25 da settember 2015 ⁽¹³⁾ davart il servetsch d’infurmaziun.

³ Las datas dastgan er vegnir communitgadas a l’autoritad da taglia responsabla en il rom da la procedura d’annunzia tenor l’artitgel 19 da la Lescha federala dals 13 d’october 1965 ⁽¹⁴⁾ davart la taglia anticipada.

⁴ Las datas ch’èn d’interess general e che sa refereschan a l’applicaziun da questa lescha, dastgan vegnir publitgadas. L’anonimitad da las persunas assicuradas sto restar garantida.

⁵ En ils ulteriurs cas dastgan datas vegnir communitgadas a terzas persunas sco suonda:

a. datas che na sa refereschan betg a persunas, sche la communicaziun correspunda ad in interess predominant;

b. datas da persunas, sche la persuna pertutgada ha d ses consentiment en scrit en il cas singul u, sch’i n’è betg pussaivel d’obtegnair il consentiment, sch’i dastga vegnir premess tenor las circumstanzas che lur communicaziun saja en l’interess da la persuna assicurada.

⁶ I dastgan vegnir communitgadas mo las datas ch’èn necessarias per l’intent che stat en dumonda.

⁷ Il Cussegl federal regla las modalitads da la communicaziun e da l’infurmaziun da la persuna pertutgada.

⁸ Per regla vegnan las datas communitgadas en scrit e gratuitamain. Il Cussegl federal po prevair l’incassament d’ina taxa, sch’i ston vegnir fatgas lavurs che dovran spezialmain bler temp.

⁽¹⁾ Integr tras la cifra I da la LF dals 23 da zer. 2000, en vigur dapi il 1. da schan. 2001 (AS 2000 2689; BBl 2000 255).
⁽²⁾ Integr tras la cifra 3 da l’agiunta da la LF dals 20 da mars 2015 (mantegniment dals uffants), en vigur dapi il 1. da schan. 2022 (AS 2015 4299 5017, 2020 5; BBl 2014 529).
⁽³⁾ SR 281.1
⁽⁴⁾ Integr tras la cifra 27 da l’agiunta da la LF dals 19 da dec. 2008 (protecziun da creschids, dretg da persunas e dretg d’uffants), en vigur dapi il 1. da schan. 2013 (AS 2011 725; BBl 2006 7001).
⁽⁵⁾ SR 210
⁽⁶⁾ Integr tras la cifra 10 da l’agiunta da la LF dals 23 da dec. 2011 (AS 2012 3745; BBl 2007 5037, 2010 7841). Abolì tras la cifra II 16 da l’agiunta da la LF dals 25 da sett. 2015 davart il servetsch d’infurmaziun, cun effect dapi il 1. da sett. 2017 (AS 2017 4095; BBl 2014 2105).
⁽⁷⁾ Integr tras la cifra 9 da l’agiunta da la LF dals 23 da zer. 2006 (nov numer d’assicuranza da la AVS), en vigur dapi il 1. da dec. 2007 (AS 2007 5259; BBl 2006 501).
⁽⁸⁾ SR 642.11
⁽⁹⁾ SR 431.01
⁽¹⁰⁾ Integr tras la cifra 5 da l’agiunta da la LF dals 6 d’oct. 2006 (5. revisiun da la AI), en vigur dapi il 1. da schan. 2008 (AS 2007 5129; BBl 2005 4459).
⁽¹¹⁾ SR 831.20
⁽¹²⁾ Integr tras la cifra 10 da l’agiunta da la LF dals 23 da dec. 2011 (AS 2012 3745; BBl 2007 5037, 2010 7841). Versiun tenor la cifra II 16 da l’agiunta da la LF dals 25 da sett. 2015 davart il servetsch d’infurmaziun, en vigur dapi il 1. da sett. 2017 (AS 2017 4095; BBl 2014 2105).
⁽¹³⁾ SR 121
⁽¹⁴⁾ SR 642.21

Es besteht kein Anspruch auf Aktualität und Vollständigkeit/Richtigkeit.