Art. 803 Obligaziun da fidaivladad e scumond da concurrenza
1 Ils societaris èn obligads da mantegnair il secret da fatschenta.
2 Els ston tralaschar tut quai che periclitescha ils interess da la societad. Els na dastgan en spezial betg far fatschentas ch’èn in avantatg spezial per els e che pericliteschan l’intent da la societad. Ils statuts pon prevair ch’ils societaris stoppian tralaschar activitads che concurrenzeschan la societad.
3 Ils societaris dastgan pratitgar activitads che cuntrafan a l’obligaziun da fidaivladad u ad in eventual scumond da concurrenza, sche tut ils ulteriurs societaris dattan lur consentiment en scrit. Ils statuts pon prevair, ch’i saja necessari – empè da quai – l’approvaziun da la radunanza dals societaris.
4 Las prescripziuns spezialas davart il scumond da concurrenza per ils mainagestiun restan resalvadas.
Es besteht kein Anspruch auf Aktualität und Vollständigkeit/Richtigkeit.
