CCS Art. 7e -

Einleitung zur Rechtsnorm CCS:

Art 5. Conversiun da rentas existentas . 7e ⁽¹⁾

¹ Sche la dretgira ha – en cas d’in divorzi tenor il dretg vegl – concedì al consort creditur suenter l’entrada d’in cas da provediment ina indemnisaziun en furma d’ina renta che scada pir cun la mort dal consort debitur u creditur, po il consort creditur pretender entaifer 1 onn suenter l’entrada en vigur da la midada dals 19 da zercladur 2015 davant dretgira ch’el survegnia empè da quai ina renta per vita duranta tenor l’artitgel 124a, sch’il consort debitur retira ina renta d’invaliditad suenter la vegliadetgna reglamentarica da renta u ina renta da vegliadetgna.

² En cas da decisiuns estras sa drizza la cumpetenza tenor l’artitgel 64 da la Lescha federala dals 18 da december 1987 ⁽²⁾ davart il dretg internaziunal privat.

³ La renta tenor il dretg vegl vala sco part da la renta attribuida.