Art. 79b (1) Acquist
1 L’instituziun da provediment dastga pussibilitar l’acquist fin maximalmain a l’autezza da las prestaziuns reglamentaras.
2 Il Cussegl federal regla ils cas da quellas persunas che n’han anc mai appartegnì ad ina instituziun da provediment il mument ch’ellas han fatg valair la pussaivladad da l’acquist.
3 Sch’i èn vegnids fatgs acquists, na dastgan las prestaziuns che resultan betg vegnir retratgas dal provediment en furma da chapital entaifer ils 3 onns sequents. Sch’i èn vegnidas fatgas retratgas anticipadas per la promoziun da la proprietad d’abitaziuns, dastgan acquists facultativs vegnir fatgs pir, cur che las retratgas anticipadas èn pajadas enavos.
4 Ils reacquists en cas da divorzi u da schliaziun giudiziala d’in partenadi registr tenor l’artitgel 22c LFLP (2) èn exceptads da la limitaziun. (3)
(1) Integr tras la cifra I da la LF dals 3 d’oct. 2003 (1. revisiun da la LPP), en vigur dapi il 1. da schan. 2006 (AS 2004 1677; BBl 2000 2637).(2) SR 831.42. Oz: art. 22d LFLP.
(3) Integr tras l’art. 37 cifra 3 da la Lescha da partenadi dals 18 da zer. 2004, en vigur dapi il 1. da schan. 2007 (AS 2005 5269; BBl 2003 3789).
Es besteht kein Anspruch auf Aktualität und Vollständigkeit/Richtigkeit.
