Art. 715a Dretg da survegnir infurmaziuns u da prender invista da documents (1)
1 Mintga commember dal cussegl d’administraziun po dumandar infurmaziuns davart tut las fatschentas da la societad.
2 A las sesidas èn tut ils commembers dal cussegl d’administraziun sco er las persunas ch’èn incumbensadas cun la gestiun obligads da dar infurmaziuns.
3 Ordaifer las sesidas po mintga commember dumandar da las persunas ch’èn incumbensadas cun la gestiun infurmaziuns davart l’andament da las fatschentas e – cun l’autorisaziun dal president – er davart singulas fatschentas.
4 Uschenavant che quai è necessari per ademplir ina incumbensa, po mintga commember pretender dal president ch’el al preschentia ils cudeschs e las actas.
5 Sch’il president refusa ina dumonda da survegnir infurmaziuns, da vegnir tadl u da survegnir invista da documents, decida il cussegl d’administraziun.
6 Regulaziuns u conclus dal cussegl d’administraziun ch’extendan il dretg dals commembers da survegnir infurmaziuns u da prender invista da documents, restan resalvads.
(1) Integr tras la cifra I da la LF dals 4 d’oct. 1991, en vigur dapi il 1. da fan. 1992 (AS 1992 733; BBl 1983 II745).Es besteht kein Anspruch auf Aktualität und Vollständigkeit/Richtigkeit.
