Art. 712c III. Disposiziun
1 Tenor la lescha n’ha il proprietari en condomini betg il dretg da precumpra envers terzas persunas che acquistan ina part; in tal dretg da precumpra po dentant vegnir constituì en l’act da constituziun u en ina cunvegna posteriura ed inscrit en il register funsil.
2 Da medema maniera poi vegnir determin che l’alienaziun d’in plaun ch’è engrevgi cun ina giudida u cun in dretg d’abitar e che l’affittaziun èn mo giuridicamain valaivlas, sch’ils ulteriurs proprietaris en condomini n’han betg fatg protesta cunter quai sin fundament d’in conclus ch’els han prendì, e quai entaifer 14 dis dapi ch’els han survegnì la communicaziun.
3 La protesta n’ha nagina vigur, sch’ella è vegnida fatga senza motivs relevants. (1)
(1) Versiun tenor la cifra II 3 da l’agiunta I da la Procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).Es besteht kein Anspruch auf Aktualität und Vollständigkeit/Richtigkeit.
