Art. 7 Perdita en cas da naschientscha a l’exteriur
1 L’uffant naschì a l’exteriur d’in genitur svizzer che posseda anc in’autra naziunalitad, perda il dretg da burgais svizzer cun la cumplenida dal 25. onn da vita, sch’el n’è fin lura betg vegnì annunzi u s’annunzi sez tar in’autoritad svizra a l’exteriur u en Svizra u n’ha fin lura betg decler en scrit da vulair mantegnair il dretg da burgais svizzer.
2 Sch’in uffant perda il dretg da burgais svizzer tenor l’alinea 1, perdan er ses uffants il dretg da burgais svizzer.
3 Sco annunzia en il senn da l’alinea 1 basta mintga communicaziun dals geniturs, da parents u d’enconuschents en vista a l’inscripziun en il register da la vischnanca d’origin, a l’immatriculaziun u a l’emissiun da documents d’identitad.
4 Tgi che n’ha, cunter sia voluntad, betg pudì inoltrar a temp l’annunzia u la decleraziun tenor l’alinea 1, po inoltrar quella valaivlamain anc entaifer 1 onn suenter ch’il motiv da l’impediment è crud davent.
Es besteht kein Anspruch auf Aktualität und Vollständigkeit/Richtigkeit.
