Art. 7 Assicuranza obligatorica dals lavurants
1 Lavurants che retiran d’in patrun in salari annual da passa 21 510 francs (1) èn suttamess a partir dal 1. da schaner suenter la cumplenida dal 17. onn da vegliadetgna a l’assicuranza obligatorica per las ristgas mort ed invaliditad, a partir dal 1. da schaner suenter la cumplenida dal 24. onn da vegliadetgna er per la vegliadetgna. (2)
2 Quest salari correspunda al salari decisiv tenor la Lescha federala dals 20 da december 1946 (3) davart l’assicuranza per vegls e survivents (LAVS). Il Cussegl federal po permetter divergenzas.
(1) Import tenor l’art. 5 da l’O dals 18 d’avr. 1984 davart il provediment professiunal per vegls, survivents ed invaliditad en la versiun da la midada dals 14 d’oct. 2020, en vigur dapi il 1. da schan. 2021 (AS 2020 4621).(2) Versiun tenor la cifra I da la LF dals 3 d’oct. 2003 (1. revisiun da la LPP), en vigur dapi il 1. da schan. 2005 (AS 2004 1677; BBl 2000 2637).
(3) SR 831.10
Es besteht kein Anspruch auf Aktualität und Vollständigkeit/Richtigkeit.
