Art. 681 1. Princips (1)
1 Ils dretgs da precumpra legals pon er vegnir exequids tar l’ingiant sfurz , dentant mo a l’ingiant sez e per las cundiziuns, per las qualas il bain immobigliar vegn attribuì a l’offerent; dal rest pon ils dretgs da precumpra legals vegnir fatgs valair sut las premissas che valan per ils dretgs da precumpra contractuals.
2 Il dretg da precumpra croda, sch’il bain immobigliar vegn alien ad ina persuna che ha in dretg da precumpra dal medem rang u d’in rang superiur.
3 Ils dretgs da precumpra legals na pon ni vegnir ertads ni cedids. Els precedan ils dretgs da precumpra contractuals.
(1) Versiun tenor la cifra I da la LF dals 4 d’oct. 1991 davart la revisiun parziala dal Cudesch civil svizzer (dretgs reals immobigliars) e dal Dretg d’obligaziuns (cumpra da bains immobigliars), en vigur dapi il 1. da schan. 1994 (AS 1993 1404; BBl 1988 III 953).Es besteht kein Anspruch auf Aktualität und Vollständigkeit/Richtigkeit.
