Art. 666a D. Mesiras giudizialas I. Proprietari nunchattabel (1)
1 Sch’il proprietari inscrit en il register funsil na po betg vegnir identifitg , sche ses lieu da domicil n’è betg enconuschent u sch’il num u il lieu da domicil d’in u da plirs da ses ertavels n’è betg enconuschent, po la dretgira ordinar sin dumonda las mesiras necessarias.2 En spezial po la dretgira nominar in represchentant. Sin dumonda fixescha ella la dimensiun da la pussanza da represchentanza. Sch’ella na fixescha betg insatge auter, sa restrenscha questa pussanza a mesiras da mantegniment.
3 La dumonda d’ordinar mesiras po far:1. mintga persuna che ha in interess degn da vegnir protegì;2. l’uffizi dal register funsil al lieu dal bain immobigliar.
4 L’ordinaziun da mesiras n’interrumpa betg il termin per in acquist tras giudida extraordinari.
(1) Integr tras la cifra I 1 da la LF dals 11 da dec. 2009 (brev ipotecara registrada ed ulteriuras midadas en il dretg real), en vigur dapi il 1. da schan. 2012 ([AS 2011 4637]; BBl 2007 5283).
Es besteht kein Anspruch auf Aktualität und Vollständigkeit/Richtigkeit.
