LPP Art. 65e - Reserva da las contribuziuns dal patrun cun renunzia a l’utilisaziun en cas d’ina sutgaranzia

Einleitung zur Rechtsnorm LPP:

Art. 65e ⁽¹⁾ Reserva da las contribuziuns dal patrun cun renunzia a l’utilisaziun en cas d’ina sutgaranzia

¹ L’instituziun da provediment po prevair en ses reglament ch’il patrun po – en cas d’ina sutgaranzia – far apports en in conto separ «Reserva da las contribuziuns dal patrun cun renunzia a l’utilisaziun (RCP cun renunzia a l’utilisaziun)» ed er transferir meds da la reserva ordinaria da las contribuziuns dal patrun sin quest conto.

² Ils apports na dastgan betg surpassar l’import da la sutgaranzia e na vegnan betg tschainsids. Els na dastgan betg vegnir duvrads per prestaziuns ed er betg vegnir impegnads, cedids u reducids en autra moda.

³ Il Cussegl federal regla ils detagls, en spezial:

a. la dissoluziun da la RCP cun renunzia a l’utilisaziun, ses transferiment en la reserva ordinaria da las contribuziuns dal patrun e la scuntrada cun contribuziuns dal patrun che ston vegnir pajadas;

b. l’import total pussaivel da las reservas da las contribuziuns dal patrun e ses tractament en cas d’ina liquidaziun totala e parziala.

⁴ Il patrun e l’instituziun da provediment pon fixar per contract regulaziuns supplementaras.

⁽¹⁾ Integr tras la cifra I da la LF dals 18 da zer. 2004, en vigur dapi il 1. da schan. 2005 (AS 2004 4635; BBl 2003 6399).

Es besteht kein Anspruch auf Aktualität und Vollständigkeit/Richtigkeit.