DO Art. 653g -

Einleitung zur Rechtsnorm DO:

Art. 653g Midada dals statuts e constataziuns dal cussegl d’administraziun ⁽¹⁾

¹ Suenter che la conferma da la controlla è entrada, mida il cussegl d’administraziun ils statuts e constatescha:

1. il dumber, la valur nominala e la spezia da las aczias emessas da nov;

2. eventualmain ils privilegis ch’èn colliads cun singulas categorias d’aczias;

3. il stadi dal chapital d’aczias e dal chapital cundiziun a la fin da l’onn da gestiun u il mument da la controlla;

4. ch’ils mussaments ch’èn stads la basa per l’augment dal chapital, èn stads avant maun ad el.

² Sch’ils statuts cuntegnan ina marscha da chapital, adatta il cussegl d’administraziun – en il rom da la midada dals statuts – la limita superiura ed inferiura da la marscha da chapital confurm a la dimensiun da l’augment dal chapital, nun ch’il chapital vegnia augment sin basa d’ina autorisaziun dal cussegl d’administraziun d’auzar il chapital tras chapital cundiziun .

³ Il conclus davart la midada dals statuts e las constataziuns ston vegnir documentads publicamain. Il funcziunari da documentaziun sto numnar tut ils singuls mussaments ch’èn stads la basa per l’augment dal chapital e confermar ch’els sajan stads avant maun ad el. Ils mussaments ston vegnir agiuntads al document public.

⁽¹⁾ Integr tras la cifra I da la LF dals 4 d’oct. 1991 (AS 1992 733; BBl 1983 II 745). Versiun tenor la cifra I da la LF dals 19 da zer. 2020 (dretg d’aczias), en vigur dapi il 1. da schan. 2023 (AS 2020 4005; 2022 109; BBl 2017 399).

Es besteht kein Anspruch auf Aktualität und Vollständigkeit/Richtigkeit.