DO Art. 653c -

Einleitung zur Rechtsnorm DO:

Art. 653c Protecziun dals acziunaris ⁽¹⁾

¹ Sche dretgs d’opziun vegnan concedids als acziunaris en il rom dal chapital cundiziun , èn applitgablas analogamain las prescripziuns davart il dretg da suttascripziun en cas d’in augment ordinari dal chapital.

² Sch’i vegnan emessas – en il rom dal chapital cundiziun – obligaziuns d’emprest u obligaziuns sumegliantas che cuntegnan dretgs da conversiun u d’opziun, ston questas obligaziuns vegnir offridas l’emprim als acziunaris per la suttascripziun, e quai en proporziun da lur participaziun anteriura.

³ Quest dretg da suttascripziun preferenzial po vegnir restrenschì u abolì:

⁴ Tras la restricziun u tras l’aboliziun dal dretg da suttascripziun u tras il dretg da suttascripziun preferenzial na dastga nagin vegnir favuris u dischavantagi en moda nungiustifitgada.