Art. 601 Participaziun al gudogn ed a la perdita
1 Il commanditari ha da surpigliar ina perdita fin maximalmain a l’import da sia summa commanditara.
2 Sch’i manca ina cunvegna che regla la participaziun dal commanditari al gudogn ed a la perdita, decida la dretgira en chaussa tenor appreziar.
3 Sche la summa commanditara n’è betg vegnida pajada cumplainamain u sch’ella è vegnida reducida posteriuramain, dastgan ils tschains, ils gudogns ed eventuals onuraris vegnir agiuntads ad ella mo, fin ch’ella ha puspè cuntanschì ses import cumplain.
Es besteht kein Anspruch auf Aktualität und Vollständigkeit/Richtigkeit.
