Art Responsabladad per clavs criptograficas . 59a (1)
1 Il titular d’ina clav criptografica, che vegn duvrada per producir signaturas u sigils electronics, è responsabel per donns che vegnan chaschunads a terzas persunas, perquai che quellas èn sa fidadas d’in certificat reglament valaivel emess d’in purschider renconuschì da servetschs da certificaziun en il senn da la Lescha federala dals 18 da mars 2016 (2) davart la signatura electronica.
2 La responsabladad croda, sch’il titular po render vardaivel d’avair prendì las mesiras da segirezza ch’èn stadas necessarias e pretendiblas tenor las circumstanzas per evitar in abus da la clav criptografica.
3 Il Cussegl federal circumscriva las mesiras da segirezza en il senn da l’artitgel 2.
(1) Integr tras la cifra 2 da l’agiunta da la LF dals 19 da dec. 2003 davart la signatura electronica (AS 2004 5085; BBl 2001 5679). Versiun tenor la cifra II 4 da l’agiunta da la LF dals 18 da mars 2016 davart la signatura electronica, en vigur dapi il 1. da schan. 2017 (AS 2016 4651; BBl 2014 1001).(2) SR 943.03
Es besteht kein Anspruch auf Aktualität und Vollständigkeit/Richtigkeit.
