Art. 55 Cussegls da fundaziun
1 Ils cussegls da fundaziun vegnan furmads d’in dumber egual da represchentants dals patruns e dals lavurants. En quest connex sto l’administraziun publica vegnir resguardada commensuradamain. Ils cussegls da fundaziun pon vegnir manads da parsuras neutrals.
2 Ils commembers dals cussegls da fundaziun vegnan elegids per ina perioda d’uffizi da 4 onns.
3 Ils cussegls da fundaziun sa constitueschan sezs e decreteschan ils reglaments davart l’organisaziun da la fundaziun. Els surveglian lur gestiun e nomineschan in post da revisiun independent sco organ da controlla.
4 Mintga cussegl da fundaziun designescha in secretariat che administrescha e represchenta la fundaziun.
Es besteht kein Anspruch auf Aktualität und Vollständigkeit/Richtigkeit.
