Art. 52 (1) Responsabladad
1 Sch’in patrun chaschuna – intenziunadamain u per greva negligientscha – in donn a l’assicuranza cun betg observar prescripziuns, sto el reparar quest donn.
2 Sch’il patrun è ina persuna giuridica, stattan buns subsidiarmain ils commembers da l’administraziun e tut las persunas ch’èn incumbensadas cun la gestiun u cun la liquidaziun. Sche pliras persunas èn responsablas per il medem donn, stattan ellas bunas per tut il donn en moda solidarica. (2)
3 Il dretg d’indemnisaziun surannescha tenor las disposiziuns dal Dretg d’obligaziuns (3) davart ils acts illegals. (4)
4 La cassa da cumpensaziun cumpetenta fa valair l’indemnisaziun cun decretar ina disposiziun. (2)
5 En divergenza da l’artitgel 58 alinea 1 LPGA (6) è cumpetenta en cas da recurs la dretgira d’assicuranzas dal chantun, en il qual il patrun ha ses domicil.
6 La responsabladad tenor l’artitgel 78 LPGA è exclusa.
(1) Versiun tenor la cifra 7 da l’agiunta da la LF dals 6 d’oct. 2000 davart la part generala dal dretg d’assicuranza sociala, en vigur dapi il 1. da schan. 2003 (AS 2002 3371; BBl 1991 II 185 910, 1994 V 921, 1999 4523).(2) (5)
(3) SR 220
(4) Versiun tenor la cifra 21 da l’agiunta da la LF dals 15 da zer. 2018 (revisiun dal dretg da surannaziun), en vigur dapi il 1. da schan. 2020 (AS 2018 5343; BBl 2014 235).
(5) Versiun tenor la cifra I da la LF dals 17 da zer. 2011 (meglieraziun da la realisaziun), en vigur dapi il 1. da schan. 2012 (AS 2011 4745; BBl 2011 543).
(6) SR 830.1
Es besteht kein Anspruch auf Aktualität und Vollständigkeit/Richtigkeit.
