LPP Art. 51 - Administraziun paritetica

Einleitung zur Rechtsnorm LPP:

Art. 51 Administraziun paritetica

¹ Ils lavurants ed ils patruns han il dretg da delegar il medem dumber da represchentants en l’organ suprem da l’instituziun da provediment. ⁽¹⁾

² L’instituziun da provediment sto garantir l’execuziun correcta da l’administraziun paritetica. En spezial ston vegnir regladas:

a. l’elecziun dals represchentants da las persunas assicuradas;

b. ina represchentanza adequata da las differentas categorias da lavurants;

c. l’administraziun paritetica da la facultad;

d. la procedura en cas da paritad da las vuschs.

³ Las persunas assicuradas elegian lur represchentants directamain u tras delegads. Sche quai n’è betg pussaivel pervia da la structura da l’instituziun da provediment, en spezial en cas da fundaziuns collectivas, po l’autoritad da surveglianza permetter autras furmas da represchentanza. Presidi vegn l’organ paritetic en moda alternanta d’in represchentant dals lavurants e d’in represchentant dals patruns. L’organ paritetic po dentant reglar en autra moda l’attribuziun dal presidi. ⁽¹⁾

⁴ Sche la procedura en cas da paritad da las vuschs n’è betg anc reglada, decida in derschader da cumpromiss neutral che vegn tschernì en enclegientscha vicendaivla. Sch’i na dat nagina enclegientscha davart il derschader da cumpromiss, vegn quel design da l’autoritad da surveglianza.

⁵ ... ⁽³⁾

⁶ e ⁷ ... ⁽⁴⁾

⁽¹⁾ ⁽²⁾
⁽²⁾ Versiun tenor la cifra I da la LF dals 3 d’oct. 2003 (1. revisiun da la LPP), en vigur dapi il 1. d’avr. 2004 (AS 2004 1677; BBl 2000 2637).
⁽³⁾ Abolì tras la cifra I da la LF dals 17 da dec. 2010 (finanziaziun da las instituziuns da provediment da corporaziuns da dretg public), cun effect dapi il 1. da schan. 2015 (AS 2011 3385, 2013 2253; BBl 2008 8411).
⁽⁴⁾ Integr tras la cifra I da la LF dals 3 d’oct. 2003 (1. revisiun da la LPP) (AS 2004 1677; BBl 2000 2637). Abolì tras la cifra I da la LF dals 19 da mars 2010 (refurma structurala), cun effect dapi il 1. da schan. 2012 (AS 2011 3393; BBl 2007 5669).

Es besteht kein Anspruch auf Aktualität und Vollständigkeit/Richtigkeit.