LAVS Art. 50a - Communicaziun da datas

Einleitung zur Rechtsnorm LAVS:

Art. 50a ⁽¹⁾ Communicaziun da datas

¹ Uschenavant che nagins interess privats predominants na s’opponan a quai, dastgan organs ch’èn incumbensads da realisar, da controllar u da survegliar la realisaziun da questa lescha, communitgar datas en divergenza da l’artitgel 33 LPGA ⁽²⁾ : ⁽³⁾

a. ad auters organs ch’èn incumbensads da realisar sco er da controllar u da survegliar la realisaziun da questa lescha, sche las datas èn necessarias per ademplir las incumbensas surdadas ad els tras questa lescha;

b. ad organs d’ina autra assicuranza sociala, sch’ina obligaziun da render enconuschentas questas datas resulta tras ina lescha federala en divergenza da l’artitgel 32 alinea 2 LPGA;

b^bis. ⁽⁴⁾ ad organs d’ina autra assicuranza sociala ed ad ulteriurs posts u instituziuns che han il dretg d’utilisar il numer da la AVS ⁽⁵⁾ , sche las datas èn necessarias per attribuir u per verifitgar quest numer;

b^ter. ⁽⁴⁾ als posts ch’èn incaricads cun la gestiun da la banca da datas centrala per la documentaziun publica dal stadi civil u cun la gestiun dal sistem d’infurmaziun per il sectur da persunas estras e d’asil, sche las datas èn necessarias per attribuir u per verifitgar quest numer;

c. als organs da la statistica federala, tenor la Lescha da statistica dals 9 d’october 1992 ⁽⁷⁾ ;

c^bis. ⁽⁸⁾ als registers chantunals da cancer ed al register da cancer d’uffants, tenor la Lescha federala dals 18 da mars 2016 ⁽⁹⁾ davart la registraziun da las malsognas da cancer;

d. a las autoritads d’inquisiziun penala, sche la denunzia u l’impediment d’in crim pretenda da communitgar las datas;

d^bis. ⁽¹⁰⁾ al Servetsch d’infurmaziun da la Confederaziun (SIC) u als organs da segirezza dals chantuns per mauns dal SIC, sch’igl è avant maun ina smanatscha concreta per la segirezza interna u externa tenor l’artitgel 19 alinea 2 da la Lescha federala dals 25 da settember 2015 ⁽¹¹⁾ davart il servetsch d’infurmaziun;

e. en il cas singul e sin ina dumonda motivada en scrit:

1. ad autoritads d’agid social, sche las datas èn necessarias per determinar, midar u pretender enavos prestaziuns respectivamain per impedir retratgas betg giustifitgadas,

2. a dretgiras civilas, sche las datas èn necessarias per giuditgar ina dispita da dretg da famiglia u d’ierta,

3. a dretgiras penalas ed ad autoritads d’inquisiziun penala, sche las datas èn necessarias per sclerir in crim u in delict,

4. ad uffizis da scussiun, tenor ils artitgels 91, 163 e 222 da la Lescha federala dals 11 d’avrigl 1889 ⁽¹²⁾ davart scussiun e concurs,

5. ad autoritads da taglia, sche las datas èn necessarias per applitgar las leschas da taglia,

6. ⁽¹³⁾ a las autoritads per la protecziun d’uffants e da creschids tenor l’artitgel 448 alinea 4 CCS ⁽¹⁴⁾ ,

7. ⁽¹⁵⁾ ...

8. ⁽¹⁶⁾ a las autoritads da migraziun tenor l’artitgel 97 alinea 1 da la Lescha federala dals 16 da december 2005 ⁽¹⁷⁾ davart las persunas estras e l’integraziun. ⁽¹⁸⁾

² Las datas ch’èn necessarias per cumbatter la lavur illegala dastgan vegnir communitgadas da las autoritads federalas, chantunalas e communalas pertutgadas sin fundament dals artitgels 11 e 12 da la Lescha federala dals 17 da zercladur 2005 ⁽¹⁹⁾ davart la lavur illegala. ⁽²⁰⁾

³ Las datas ch’èn d’in interess general e che sa refereschan a l’applicaziun da questa lescha, dastgan vegnir publitgadas en divergenza da l’artitgel 33 LPGA. L’anonimitad da las persunas assicuradas sto restar garantida. ⁽¹⁸⁾

⁴ En ils ulteriurs cas dastgan datas vegnir communitgadas a terzas persunas – en divergenza da l’artitgel 33 LPGA – sco suonda: ⁽¹⁸⁾

a. datas che na sa refereschan betg a persunas, sche la communicaziun correspunda ad in interess predominant;

b. datas persunalas, sche la persuna pertutgada ha d ses consentiment en scrit en il cas singul u, sch’i n’è betg pussaivel d’obtegnair il consentiment, sch’i dastga vegnir premess tenor las circumstanzas che lur communicaziun saja en l’interess da la persuna assicurada.

⁵ I dastgan vegnir communitgadas mo las datas ch’èn necessarias per l’intent che stat en dumonda.

⁶ Il Cussegl federal regla las modalitads da la communicaziun e l’infurmaziun da la persuna pertutgada.

⁷ Per regla vegnan las datas communitgadas en scrit e gratuitamain. Il Cussegl federal po prevair l’incassament d’ina taxa, sch’i ston vegnir fatgas lavurs che dovran spezialmain bler temp.

⁽¹⁾ Integr tras la cifra I da la LF dals 23 da zer. 2000, en vigur dapi il 1. da schan. 2001 (AS 2000 2749; BBl 2000 255).
⁽²⁾ SR 830.1
⁽³⁾ Versiun tenor la cifra I da la LF dals 23 da zer. 2006 (nov numer d’assicuranza da la AVS), en vigur dapi il 1. da dec. 2007 (AS 2007 5259; BBl 2006 501).
⁽⁴⁾ ⁽⁶⁾
⁽⁵⁾ Expressiun tenor la cifra I da la LF dals 18 da dec. 2020 (diever sistematic dal numer da la AVS tras las autoritads), en vigur dapi il 1. da schan. 2022 (AS 2021 758; BBl 2019 7359). Questa midada è vegnida fatga en las disposiziuns numnadas en la AS.
⁽⁶⁾ Integr tras la cifra I da la LF dals 23 da zer. 2006 (nov numer d’assicuranza da la AVS), en vigur dapi il 1. da dec. 2007 (AS 2007 5259; BBl 2006 501).
⁽⁷⁾ SR 431.01
⁽⁸⁾ Integr tras l’art. 36 da la LF dals 18 da mars 2016 davart la registraziun da las malsognas da cancer, en vigur dapi il 1. Jan. 2020 (AS 2018 2005; BBl 2014 8727).
⁽⁹⁾ SR 818.33
⁽¹⁰⁾ Integr tras la cifra 8 da l’agiunta da la LF dals 23 da dec. 2011 (AS 2012 3745; BBl 2007 5037, 2010 7841). Versiun tenor la cifra II 14 da l’agiunta da la LF dals 25 da sett. 2015 davart il servetsch d’infurmaziun, en vigur dapi il 1. da sett. 2017 (AS 2017 4095; BBl 2014 2105).
⁽¹¹⁾ SR 121
⁽¹²⁾ SR 281.1
⁽¹³⁾ Integr tras la cifra 26 da l’agiunta da la LF dals 19 da dec. 2008 (protecziun da creschids, dretg da persunas e dretg dals uffants), en vigur dapi il 1. da schan. 2013 (AS 2011 725; BBl 2006 7001).
⁽¹⁴⁾ SR 210
⁽¹⁵⁾ Integr tras la cifra 8 da l’agiunta da la LF dals 23 da dec. 2011 (AS 2012 3745; BBl 2007 5037, 2010 7841). Abolì tras la cifra II 14 da l’agiunta da la LF dals 25 da sett. 2015 davart il servetsch d’infurmaziun, cun effect dapi il 1. da sett. 2017 (AS 2017 4095; BBl 2014 2105).
⁽¹⁶⁾ Versiun tenor la cifra 4 da l’agiunta da la LF dals 14 da dec. 2018 (regulaziuns da procedura e sistems d’infurmaziun), en vigur dapi il 1. da zer. 2019 (AS 2019 1413; BBl 2018 1685).
⁽¹⁷⁾ SR 142.20
⁽¹⁸⁾ ⁽²¹⁾
⁽¹⁹⁾ SR 822.41
⁽²⁰⁾ Abolì la cifra I da l’O da l’AF dals 21 da zer. 2002 (AS 2002 3453; BBl 2002 803). Versiun tenor la cifra 6 da l’agiunta da la Lescha dals 17 da zer. 2005 davart la lavur illegala, en vigur dapi il 1. da schan. 2008 (AS 2007 359; BBl 2002 3605).
⁽²¹⁾ ⁽²²⁾
⁽²²⁾ Versiun tenor la cifra I da l’O da l’AF dals 21 da zer. 2002, en vigur dapi il 1. da schan. 2003 (AS 2002 3453; BBl 2002 803).

Es besteht kein Anspruch auf Aktualität und Vollständigkeit/Richtigkeit.

Kanton	Fallnummer	Leitsatz/Stichwort	Schlagwörter
VD	Entscheid/2018/962	-	énal; énale; -entrée; Ministère; Action; Entre; édéral; Chambre; Neuchâtel; écembre; Ordonnance; Arrondissement; Office; Avances; Entretien; Caisse; Autorité; évoit; évélation; ésident; Service; Partant; émentaires; éposé
VD	2016/150	-	édéral; écision; érêt; écédé; étent; écessaire; Assurance; Orphelin; édérale; Orpheline; éfunt; écessaires; Assuré; étention; érant; étentions; érêts; évoyance; ître; évoit; éventuelle; ésente; égard; épondérant; Espèce; Assurance-vieillesse

Kanton	Fallnummer	Leitsatz/Stichwort	Schlagwörter
SO	VWBES.2017.66	Empfehlung der Datenschutzbeauftragten	IV-Stelle; Bundes; Gutachten; Gutachter; Recht; Daten; IV-Stellen; Verwaltung; Interesse; Datenschutz; Kanton; Person; Öffentlichkeit; Dokument; Personen; InfoDG; Solothurn; Urteil; Herausgabe; Statistik; Organ; Datenschutzbeauftragte; Bundesgericht; Gesuch; Aufwand
SO	VWBES.2017.68	Empfehlung der Datenschutzbeauftragten	IV-Stelle; Bundes; Gutachten; Gutachter; Recht; Daten; IV-Stellen; Verwaltung; Interesse; Datenschutz; Kanton; Person; Öffentlichkeit; Dokument; Personen; InfoDG; Solothurn; Herausgabe; Statistik; Organ; Datenschutzbeauftragte; Urteil; Gesuch; Bundesgericht; Aufwand

LAVS Art. 50a - Communicaziun da datas

Einleitung zur Rechtsnorm LAVS:

Art. 50a Lescha federala davart l’assicuranza per vegls e survivents (AHVG) - Anwendung bei den Gerichten

Anwendung im Kantonsgericht

Anwendung im Verwaltungsgericht