Art. 5 Suletta instanza chantunala
1 Il dretg chantunal designescha la dretgira ch’è cumpetenta sco suletta instanza chantunala per:a. dispitas en connex cun la proprietad intellectuala, inclusiv las dispitas che concernan la nullitad, la titularitad, il licenziament, il transferiment e la violaziun da tals dretgs;b. dispitas dal dretg da cartels;c. dispitas davart l’utilisaziun d’ina firma;d. dispitas tenor la Lescha federala dals 19 da december 1986 (1) davart la concurrenza illoiala, sche la valur en dispita importa passa 30 000 francs u sche la Confederaziun fa diever da ses dretg da purtar plant;e. (2) dispitas tenor la Lescha federala dals 13 da zercladur 2008 davart la responsabladad civila per l’energia nucleara (3) ;f. plants cunter la Confederaziun;g. (4) dispitas davart l’introducziun e la realisaziun d’ina controlla speziala tenor ils artitgels 697c–697hbis dal Dretg d’obligaziuns (DO) (5) ;h. (6) dispitas tenor la Lescha dals 23 da zercladur 2006 (7) davart las investiziuns collectivas, tenor la Lescha dals 19 da zercladur 2015 (8) da las infrastructuras da finanzas e tenor la Lescha federala dals 15 da zercladur 2018 (9) davart ils instituts da finanzas;i. (10) dispitas tenor la Lescha dals 21 da zercladur 2013 (11) davart la protecziun da las vopnas, tenor la Lescha federala dals 25 da mars 1954 (12) davart la protecziun da l’emblem e dal num da la Crusch Cotschna e tenor la Lescha federala dals 15 da december 1961 (13) davart la protecziun dals nums e dals emblems da l’Organisaziun da las Naziuns Unidas e d’autras organisaziuns interguvernamentalas.
2 Questa instanza è er cumpetenta per ordinar mesiras preventivas avant l’entrada da la litispendenza d’in plant.
(1) [SR 241]
(2) Versiun tenor la cifra 1 da l’agiunta 2, en vigur dapi il 1. da schan. 2022 ([AS 2010 1739]; [BBl 2006 7221]; [AS 2022 43]; [BBl 2007 5397]).
(3) [SR 732.44]
(4) Versiun tenor la cifra 3 da l’agiunta da la LF dals 19 da zer. 2020 (dretg d’aczias), en vigur dapi il 1. da schan. 2023 ([AS 2020 4005]; [2022 109]; [BBl 2017 399]).
(5) [SR 220]
(6) Versiun tenor la cifra II 4 da l’agiunta da la LF dals 15 da zer. 2018 davart ils instituts da finanzas, en vigur dapi il 1. da schan. 2020 ([AS 2018 5247], [2019 4631]; [BBl 2015 8901]).
(7) [SR 951.31]
(8) [SR 958.1]
(9) [SR 954.1]
(10) Integr tras la cifra II 3 da l’agiunta 3 da la Lescha da las vopnas dals 21 da zer. 2013 davart la protecziun, en vigur dapi il 1. da schan. 2017 ([AS 2015 3679]; [BBl 2009 8533]).
(11) [SR 232.21]
(12) [SR 232.22]
(13) [SR 232.23]
Es besteht kein Anspruch auf Aktualität und Vollständigkeit/Richtigkeit.
